影片
更多
2023-10-27
263 瀏覽
今日帶台灣同事來品嚐新加坡菜，點左新加坡喇沙摻摻、白胡椒肉骨茶、馬來炒貴刁同埋鹹蛋黃魚皮開心share！喇沙並冇令我哋失望，一上枱已被吸滿湯汁而且浸到淋嘅豆卜吸引，入口果然非常入味，湯底達到我想要嘅濃味同椰香；半隻溏心蛋煮得剛好，蛋白係剛熟嘅透白顏色，非常嫩口，蛋黃粉糯，加埋濃郁嘅湯汁一齊入口，又係一啖好滋味；其他配料不過不失，麵條同米粉都幾爽口，每條都掛滿湯汁，整體味道非常唔錯！白胡椒肉骨茶擺盤非常精緻，一大舊蒜頭非常吸睛，但係好硬，未能成功掰開一小瓣來試味，最後放棄左；先嚐一口湯，有白胡椒香但唔會嗆口，鹹度剛好，配埋炸油條好夾好好味；排骨幾入味但略嫌唔夠淋，如果炆耐啲就完美；雞油飯充滿油香但唔膩，本來戒飯嘅我真係忍唔住，食左一小碗呢~馬來炒貴刁份量大，配料好足，有好幾隻大大嘅蝦，新鮮又爽口；臘腸片為整碟貴刁添上鹹香，非常惹味。鹹蛋黃魚皮係我哋最期待嘅菜式，每塊炸魚皮size相當大，表面掛滿左濕潤嘅流沙蛋黃，唔似其他餐廳炒到乾身，幾有特色，同事不斷大讚味道100分，值得再來打卡！
喇沙並冇令我哋失望，一上枱已被吸滿湯汁而且浸到淋嘅豆卜吸引，入口果然非常入味，湯底達到我想要嘅濃味同椰香；半隻溏心蛋煮得剛好，蛋白係剛熟嘅透白顏色，非常嫩口，蛋黃粉糯，加埋濃郁嘅湯汁一齊入口，又係一啖好滋味；其他配料不過不失，麵條同米粉都幾爽口，每條都掛滿湯汁，整體味道非常唔錯！
白胡椒肉骨茶擺盤非常精緻，一大舊蒜頭非常吸睛，但係好硬，未能成功掰開一小瓣來試味，最後放棄左；先嚐一口湯，有白胡椒香但唔會嗆口，鹹度剛好，配埋炸油條好夾好好味；排骨幾入味但略嫌唔夠淋，如果炆耐啲就完美；雞油飯充滿油香但唔膩，本來戒飯嘅我真係忍唔住，食左一小碗呢~
馬來炒貴刁份量大，配料好足，有好幾隻大大嘅蝦，新鮮又爽口；臘腸片為整碟貴刁添上鹹香，非常惹味。鹹蛋黃魚皮係我哋最期待嘅菜式，每塊炸魚皮size相當大，表面掛滿左濕潤嘅流沙蛋黃，唔似其他餐廳炒到乾身，幾有特色，同事不斷大讚味道100分，值得再來打卡！
張貼
