牛牛日式火鍋放題 (海之戀商場) (已結業)

唔知食lunch食咩，行行下見到呢間火鍋放題店幾吸引，就入左去試。價錢有幾個選擇，因為想食多少少嘢就揀左LV3牛小排個個SET，平日都係$308，仲要食足90分鐘。湯底估唔到有成七、八款咁多，但呢排太熱氣係咁爆暗瘡，所以就叫左個清清地嘅極之鰹魚鍋，湯底係好清澈嘅，但味道又岩岩好，唔會太淡。跟住有好多款肉類，牛胸腹係我最愛❤️肉質厚實，勝在脂肪平均又夠肉😍正呀！自助區仲提供好多特色沙律前菜，仲有好多唔同嘅汽水雪糕小食選擇😆環境方面都好舒適，乾淨企理。餐廳店員服務態度質素都好好，嘢食好快就黎到👍🏻一定會再次嚟幫襯。