湯。雞

營業中

休息中

真係估唔到，呢間小店啲湯底，真係唔錯。砂鍋姬松茸蟲草花螺頭花菇雞銀針粉（$80）約十分鐘，一上枱，已經好香菇味。先呷一啖湯，雞湯混和菇香再帶少少甜味，好味道。雞比咗脾位，雞肉好嫩滑，室溫浸落熱湯，微溫易食。姬松茸、蟲草花、螺頭、花菇，每樣配料都足，食到尾都仲有。銀針粉份量多，索哂湯汁，口感好𡁻頭。醉三寶紅薯粉（$75）雞中翼，4件單骨，入味，皮爽口但肉稍嚡。牛舌，約十多片，有厚有薄，夠味，腍身。豬肚，約十數條，爽口彈牙，三款個人覺得最好食。湯底係藥膳湯，有沙參、圓肉、淮山，味道清甜。紅薯粉份量及味道正常。