真心一隻雞

營業中

休息中

同老婆兩個人去食晏。一人叫咗一個「半隻雞湯刀削麵」。上菜時，睇個樣好似好好。但係食落就知中伏。每一嚿雞，無論係雞背定雞胸，包括雞髀位，都好鬼死鞋。而且冇雞味。嚴格上嚟講，係冇乜味。個湯底完全冇特別，出品有如連鎖式快餐店，無心機煮，得少少鹹。其他配菜都唔見得出色。豆乾正正常常。鹹鹹地冇乜特別味。碟醃豬肉一萬個鞋。乾過美珍香塊豬肉乾。唯一碟泡菜叫食得落肚。老婆婆問我係咪新鮮泡菜，我食咗好耐，都評論唔出佢係咪新鮮醃製。不過泡菜算係OK，應該唔係罐頭貨。