周記油渣麵 (已結業)

排完隊買賀年食品之後就同老公嚟呢間佢話細個成日食嘅油渣麵店我發現原來自己咁大個人都未食過油渣麵😂舖頭好闊落 枱與枱之間隔得好疏基本上都唔使睇餐牌老公直接叫咗個多渣同埋一碟鴛鴦餃我問佢咩叫多渣🤨佢話即係用多啲豬油渣去炒嘅豬肉喎🤷🏾‍♀️枱面有好多調味料老公話食油渣麵一定一定要落好多辣菜甫同埋冬菜先至好食辣菜甫係靈魂所在碗麵都幾大碗啲麵條咬落好有口感 非常彈牙係厚身嗰隻質地 係我鍾意嘅但至於豬肉我就真係唔係好識欣賞好似食緊啲肥膏落口咁樣🤮可能我下次叫淨麵會開心啲😂至於個鴛鴦餃係即叫即炸嘅所以都等咗10零分鐘嚟到嘅時候真係非常之熱！而且好脆口唔會油身個人覺得北京餃嘅餡冇乜特別但係韭菜餃嘅餡就好香下次可能淨係叫韭菜餃就夠啦至於隨碟嗰個甜醬點左嚟食感覺上冇咁熱氣都幾好食嘅食完諗住走俾完錢出門口想喺個遮筒度搵返自己把遮但係已經俾人偷咗🥲就咁跌咗幾百蚊🥲奉勸各位下次落雨嘅話連把雨傘都要隨身攜帶🥲🥲🥲