sift desserts (太子大廈) (已結業)

早排又有同事請食tea，嗌咗sift嘅蛋糕，因為夠近，而且佢蛋糕都幾精緻~叫咗六件一齊share嚟食。後面嗰個朱古力蛋糕超濃朱古力味，好正！！！最左邊兩件淺啡色嘅係伯爵茶味mousse 蛋糕， 我好鍾意食茶味嘅蛋糕所以覺得好正！呢件睇落去好粉紅，但係其實係芝士蛋糕嚟嘅，好似係玫瑰味嘅芝士蛋糕，我就冇食呢件啦。呢個角度就係睇到個伯爵茶慕士蛋糕上邊係有金箔㗎！仲有好似一個蘋果嗰件呢就係真係蘋果味嘅，有少少酸酸地。外面嗰塊皮硬硬哋嘅，個樣真係勁似一個蘋果！總括嚟講我覺得呢間餅店雖然係啲cupcake出名d, 但蛋糕其實都ok嘅，而且幾靚~