影片
更多
2022-11-24
206 瀏覽
近期唔知點解幾間舖頭都係咁，係我咁啱咁橋第一次食就好味？食第二次就出事🤦🏻♂️。今日放假身痕早早出去大圍食上次新開唔錯嘅RedHouse，今日要等咗一陣幾分鐘先有位。不過今次真係瀨晒嘢😫今日叫咗個早餐G~蒜香雞扒，嫩滑炒蛋，薯餅，香草豬肉腸配牛角包+凍齋啡走甜。蒜香雞扒 ～ 煎耐左，鹹咗，同埋比預期油～嫩滑炒蛋 ～ 師傅今日好重手，鹹！薯餅 ～ 勁油，同上次嗰個脆而不油完全兩碼子事，我咬落去一口油。應該就唔係雞扒油漏左過去，因為面都油香草豬肉腸 ～ 正常發揮牛角包 ～ 今日嘅偏軟同油，同上次乾身挺身同熱嘅，完全唔同。個凍齋啡都算正常。後話～究竟今日係有廚房放假？定上次我咁岩咁橋咁好彩？廚房唔穩定好難留到客，我會去試多一次，希望佢哋水準唔會跌。～今餐我仲有一個雪菜肉絲通，雪菜肉絲佢哋應該係自己炒，👅我試咗幾啖，但係今日偏辣，但我ok嘅仲覺得唔錯。本身今次打算負，但因為依個雪菜，放番店舖去OK，待下次～戴返頭盔先，我覺得好唔好食≠你覺得好唔好食，好唔好食因人而異。
今日放假身痕早早出去大圍食上次新開唔錯嘅RedHouse，今日要等咗一陣幾分鐘先有位。
不過今次真係瀨晒嘢😫
今日叫咗個早餐G~蒜香雞扒，嫩滑炒蛋，薯餅，香草豬肉腸配牛角包+凍齋啡走甜。
蒜香雞扒 ～ 煎耐左，鹹咗，同埋比預期油～
嫩滑炒蛋 ～ 師傅今日好重手，鹹！
薯餅 ～ 勁油，同上次嗰個脆而不油完全兩碼子事，我咬落去一口油。應該就唔係雞扒油漏左過去，因為面都油
香草豬肉腸 ～ 正常發揮
牛角包 ～ 今日嘅偏軟同油，同上次乾身挺身同熱嘅，完全唔同。
個凍齋啡都算正常。
後話～究竟今日係有廚房放假？定上次我咁岩咁橋咁好彩？廚房唔穩定好難留到客，我會去試多一次，希望佢哋水準唔會跌。
～今餐我仲有一個雪菜肉絲通，雪菜肉絲佢哋應該係自己炒，👅我試咗幾啖，但係今日偏辣，但我ok嘅仲覺得唔錯。本身今次打算負，但因為依個雪菜，放番店舖去OK，待下次～
戴返頭盔先，我覺得好唔好食≠你覺得好唔好食，好唔好食因人而異。
張貼
