意堡

營業中

休息中

呢間野價錢好抵，想試好耐啦。唔貴就一試無妨。叫左卡邦尼同沙嗲雞髀肉串加樽薏米水。返到屋企我唔係即刻食，但都好食，咁應該真係好食。返到去一開盒有驚喜，個意粉似西餐廳嘅款喎，意粉無煮過龍，個汁好食夠味唔稀，應該趁熱食仲好食，四十幾蚊絕對值。另外個沙嗲雞髀肉串仲好食，唔算好油，我有搵氣炸鍋翻熱，所以都脆身，但啲肉仲係好juicy。樽薏米水就正常唔太甜，啱我，無乜特別。呢間野性價比超高，絕對係係會返轉頭。