影片
更多
2023-08-09
23 瀏覽
香港食嘢有時真係越隱蔽嘅餐廳就越估唔到咁好味，呢間藏身喺大圍工業區嘅豬手工房，唔係朋友食過再介紹真係完全唔識搵。如果好似我咁第一次嚟就經停車場入口搭lift上去嘅話，打開門見到係車房的話唔好驚訝，你無嚟錯地方，出lift轉左行到角落就係入口😂。P.S.另一邊近火車軌仲有另一個入口可以搭lift。兩個人食叫咗一個薄餅一份豬手同埋兩杯飲品。🥘明太子蟹棒海鮮薄餅 $138上枱果刻已經聞到香味，食落去更係不得了，香噴噴嘅芝士配搭明太子鋪面，風味同香氣突出之餘亦令到以蟹棒為首嘅海鮮變得更加香口惹味，餅底唔會太厚亦都夠晒脆，啖啖都好滿足👍🏻。🥘招牌脆爆鹹豬手 $238呢隻粗過我手臂嘅豬手，外層係肉眼睇都知佢爆脆嘅皮，包住係色澤鮮嫩嘅豬手肉。外皮咬落係先脆後軟嘅兩層口感，豬手肉就嫩口之餘帶有陣陣鹹香味，合埋一齊咬我只可以話兩個字「爽」，好滿意嘅豬手🤤。🍮巨峰提子乳酸梳打，雜果乳酸梳打 各$48食咁惹味嘅豬手飲返杯咁爽嘅梳打係必須的，個人鍾意雜果味多啲，貪佢味道豐富啲😝。愈打愈肚餓，呢間唔encore都唔得啦
如果好似我咁第一次嚟就經停車場入口搭lift上去嘅話，打開門見到係車房的話唔好驚訝，你無嚟錯地方，出lift轉左行到角落就係入口😂。P.S.另一邊近火車軌仲有另一個入口可以搭lift。
兩個人食叫咗一個薄餅
一份豬手同埋兩杯飲品。
🥘明太子蟹棒海鮮薄餅 $138
上枱果刻已經聞到香味，食落去更係不得了，香噴噴嘅芝士配搭明太子鋪面，風味同香氣突出之餘亦令到以蟹棒為首嘅海鮮變得更加香口惹味，餅底唔會太厚亦都夠晒脆，啖啖都好滿足👍🏻。
🥘招牌脆爆鹹豬手 $238
呢隻粗過我手臂嘅豬手，外層係肉眼睇都知佢爆脆嘅皮，包住係色澤鮮嫩嘅豬手肉。外皮咬落係先脆後軟嘅兩層口感，豬手肉就嫩口之餘帶有陣陣鹹香味，合埋一齊咬我只可以話兩個字「爽」，好滿意嘅豬手🤤。
🍮巨峰提子乳酸梳打，雜果乳酸梳打 各$48
食咁惹味嘅豬手飲返杯咁爽嘅梳打係必須的，個人鍾意雜果味多啲，貪佢味道豐富啲😝。
愈打愈肚餓，呢間唔encore都唔得啦
2 瀏覽
0 讚好
0 留言
張貼
