齋啡 (已結業)

近年純素概念越發流行，除左對環境友善之外，亦大大減低對身體嘅負擔，而且仲可以做到善待動物添 ☺️ 唔好以為純素好齋啊～ 其實食物變化好多，味道一樣豐富，有時仲會有驚喜添！前排我就同朋友去左尖沙嘴嘅齋啡，果度除左環境舒服，又打卡 able，食物質素仲要唔錯添！素芝士·植物豬柳墨西哥卷配沙律及墨西哥脆片估唔到素芝士同植物豬柳咁香口！完全好似食緊真嘅豬柳呢 🤩 而且份量好多啊，紅蘿蔔超豐富，入口鮮甜爽脆，好 fresh 好健康 👍🏻 牛油果·雜錦素魚生沙律碗豪華的沙律碗 😍 雜錦素魚生個樣勁似食物，食落有少少彈牙口感幾得意～ 最鍾意佢有個扮吞拿魚沙律醬，搽落麵包度超好食 😋純素蛋糕：紅絲絨及伯爵茶超級吸睛嘅蛋糕 😍 絲絨蛋糕口感比較棉襪密，而伯爵茶嘅口感就比較實在，兩款蛋糕都好香，而且忌廉都非常濃厚香滑 😊飲品：Hot Black Sesame Latte & Iced Rose Latte黑芝麻 Latte 非常濃香，好似用新鮮芝麻打出黎咁 😍 Rose Latte 就淡淡玫瑰香，咖啡口味帶微酸，凍飲真係好舒服 😆除左無肉之外，呢度嘅食物同飲品都不含蛋同埋牛奶，兩杯 Latte 都係由燕麥奶