美心西餅 (已搬遷) 新店位置

最近社會氣氛沉重，每日打開報紙睇到皺晒眉。今朝隨手拎份晴報，發現呢個星期晴報同美心合作，用2蚊優惠價買到原價9蚊綠茶紅豆包，客人買一個包，晴報捐出2蚊畀惜食堂。惡劣氣氛下，少少正能量都會令人感到温暖，證明而家仲未成為「壞左既香港」。綠茶紅豆包圓碌碌，脹卜卜，上面印有太陽圖案，好cute，小朋友見到實會鍾意。綠茶味唔夠突出，紅豆蓉比例上算多，麵包乾身，口感唔夠綿密，老實講，有外型無實力。睇在慈善份上，呢幾日繼續支持下。