影片
更多
2022-06-15
225 瀏覽
放工相約朋友喺中環食晚餐，我哋想食西餐🍽，所以挑選咗位於士丹利街嘅「Amici」。一到步，男店員有禮接待，用餐過程中佢亦好有耐性，逐一介紹菜式。餐廳設有晚市套餐以及單點菜式，四道菜晚餐定價每位$428，另外仲有龍蝦餐同生蠔餐🦞，價錢就再貴啲。一般而言，我認為都會嗌至少一份套餐，然後再散嗌吧，因為套餐點都抵食啲同多嘢食啲。餐包為意大利軟包，質感鬆軟，屬正常水平🍞。香煎牛仔柳配瑞士薯餅及黑松露泡沫，未食都已經聞到超香黑松露味🍄。佢唔係用現成嘅松露醬或者磨松露片，而係提煉牛肝菌汁打成泡沫，再加松露粉，所以香味份外濃郁。喺咁出色嘅調味下，牛仔肉都變咗配角。🥔瑞士薯餅亦好鬼正，薯仔切成片疊起，類似千層蛋糕，口感一層層，兼且好脆。青芒果蝦他他，原本以為佢會淡味過牛仔肉，但並唔係，因為當中加咗蒜頭調味。呢份小食帶點東南亞風情，食落開胃。🦐蝦他他選用阿根廷紅蝦，肉身較大之外，肉質亦都幾彈牙，而且味道鮮甜。🥥以椰子水同青檸汁所混合而成嘅醬汁清新，並能襯托出蝦嘅鮮味。俄羅斯羅宋湯，羅宋湯口味正宗🇷🇺，店員表示落咗紅菜頭一齊煲，所以偏紅色，但由於煲到溶晒，所以就咁係飲唔出紅菜頭嘅味道。同時，湯品中亦加入咗酸
放工相約朋友喺中環食晚餐，我哋想食西餐🍽，所以挑選咗位於士丹利街嘅「Amici」。一到步，男店員有禮接待，用餐過程中佢亦好有耐性，逐一介紹菜式。
餐廳設有晚市套餐以及單點菜式，四道菜晚餐定價每位$428，另外仲有龍蝦餐同生蠔餐🦞，價錢就再貴啲。一般而言，我認為都會嗌至少一份套餐，然後再散嗌吧，因為套餐點都抵食啲同多嘢食啲。
餐包為意大利軟包，質感鬆軟，屬正常水平🍞。
香煎牛仔柳配瑞士薯餅及黑松露泡沫
9 瀏覽
0 讚好
0 留言
香煎牛仔柳配瑞士薯餅及黑松露泡沫，未食都已經聞到超香黑松露味🍄。佢唔係用現成嘅松露醬或者磨松露片，而係提煉牛肝菌汁打成泡沫，再加松露粉，所以香味份外濃郁。喺咁出色嘅調味下，牛仔肉都變咗配角。🥔瑞士薯餅亦好鬼正，薯仔切成片疊起，類似千層蛋糕，口感一層層，兼且好脆。
青芒果蝦他他
8 瀏覽
0 讚好
0 留言
青芒果蝦他他，原本以為佢會淡味過牛仔肉，但並唔係，因為當中加咗蒜頭調味。呢份小食帶點東南亞風情，食落開胃。🦐蝦他他選用阿根廷紅蝦，肉身較大之外，肉質亦都幾彈牙，而且味道鮮甜。🥥以椰子水同青檸汁所混合而成嘅醬汁清新，並能襯托出蝦嘅鮮味。
俄羅斯羅宋湯
11 瀏覽
0 讚好
0 留言
煙肉牛柳卷配牛肝菌汁
12 瀏覽
0 讚好
0 留言
煙肉牛柳卷配牛肝菌汁，🥩牛柳並唔單調，唔係得嚿牛。牛柳以煙肉包住，以添鹹香🥓。牛柳本身質素唔錯，而且廚師控制火候得宜，肉身呈粉紅色，肉質嫩滑，啱啱好五成熟。其實牛柳咁厚身，要處理得好一啲都唔容易。牛肝菌汁香濃，同牛柳好夾，但又唔會搶味。👨🏻🍳餐廳識得點樣善用食材，店員話將牛肝菌同時用於前菜同主菜，不過出到嚟味道並唔重複，各具特色。
香燒羊扒拼羊T骨伴紅棗泡沫，🍗一碟肉有齊羊架同羊T骨，後者比較少見。本身驚羊會羶，所以想嗌七成熟，但店員建議食五成，肉質會好啲、無咁嚡。羊扒出到嚟生熟度剛好，食落完全唔羶喎。T骨嘅肉味比起羊架突出，但肉感就相對冇咁嫩。廚師特意搭配紅棗蓉🍓，因為甜甜哋可僻羶味。伴菜有一件類似蘿蔔糕嘅物體，佢其實係將意大利飯焗乾製成，非常有心思又好味。
焗蘋果杏仁芝士撻配雲呢拿雪糕，晚餐甜品得一款選擇。🥧芝士撻新鮮焗製，酥皮層幾脆，蘋果蓉唔酸，暖笠笠嘅撻遇上冰涼雪糕，相映成趣，但對比鹹食來講就無咁驚艷。
飲品方面🥤，我哋要咗凍檸茶同凍咖啡，為晚餐畫上句號。
餐廳樓層面積唔大，座位唔多，環境燈光偏暗🕯，氣氛幾好，能夠讓人放鬆。
總括嚟講，Aimci係一間有水準嘅西餐廳，廚師用心烹調每一道菜式，令人留下深刻印象👍。佢定價唔平，不過物有所值，再配合埋同店員嘅互動，整個用餐體驗良好！
張貼
