Espuma (QRE Plaza) (已結業)

Espuma已經唔係第一次食, 但每次都有驚喜今次當然都唔例外, 有新menu, 梗係要去食。頭盤吞拿魚卷, 魚扒表面微微烤焗至半熟, 中心仍然粉嫩, 完全避免咗吞拿魚全熟後, 肉質變得粗糙嘅問題。 魚扒外層沾滿黑白芝麻, 咬落口中充滿芝麻香氣, 為魚肉增添風味。如果你食開連鎖店那種厚實Pizza餅底, 呢一款必定令你一試鐘情, Pizza皮酥香薄身, 脆口得黎又唔會好似餅乾咁又乾又硬, 食落口感接近酥皮, 每一塊都配上一片Parma Ham, 鹹香滋味。呢一道絕對係令人喜出望外！ Risotto 配忌廉汁、墨汁、海鮮就食得多, 喇沙味你又試過未? 質感濃滑嘅喇沙味醬汁不多不少, 完完全全融入豐有嚼勁嘅米粒,食落帶點椰香, 味道出奇地和諧, 再配上肉質軟綿嘅油封鴨腿, 口感極為豐富。