Mee...lemongrass (將軍澳中心) (已結業)

終於有機會試將軍澳新開嘅馬來西亞菜，星期日嘅2:30 pm，都好多人等位，2人枱等咗半個鐘，但都值得嘅。叫咗Mee...喇沙同埋素菜喇沙，好快就有得食，味道唔錯，份量都幾大。餐飲就一般，唔太好飲。唔知係咪想客人去旁邊嘅“里的茶”買呢😆😆里的茶外賣飲品有買一送一，單杯減$8，好抵！叫咗一杯十勝紅豆炭焙烏龍奶茶同埋一杯玄米蕎麥奶茶。兩杯都好好味😋十勝紅豆好甜，玄米蕎麥茶就好香，仲要好大杯，難怪咁多人買。