南朗餐廳 (已結業)

是日午餐，依然喺黃竹坑食，所以就去到南朗山道熟食街市試一試，今次就揀咗南朗餐廳，食西餐為主，不過下午茶時段都會有返港式小食。價錢正常，最平$42，平均消費我諗$50-60左右，除咗全日餐牌之外，仲有個廚房推介，我就嗌咗餐牌上嘅F餐即係南朗豬頸肉喇沙米線。賣相其實係唔錯，不過湯底一睇隻顏色就知道唔會係我想食嘅新加坡喇沙味，食落就更加食得出個味道分別，純粹係一個淡淡地嘅咖哩湯底，有別於傳統帶點微辣又重椰汁味嘅喇沙湯底，所以有點失望。不過起碼豬頸肉食落香口，而且有少量配菜調下味，如果唔係個「喇沙」真係唔食得。飲品方面就奉送汽水，港式冷熱飲品就要加錢，汽水選擇都算多，整體嚟講係，下次再去會試第二個餐，同埋夏天去的話應該會好熱。