少爺18 (已結業)

入沙田新城市睇戲。睇7點半，可以食個早飯先！但係好多鋪頭仲圍左板返新，行下行下見到呢間星馬菜因為冇乜人等位，就入去試吓啦。餐前小食竟然係炸魚皮，不過魚皮有D硬，睇左餐牌之後，叫咗喇沙，海南雞飯套餐同埋小食拼盤，上菜都幾快喎！喇沙湯底幾好味，夠濃，夠香，喇沙用左米線同埋麵，唔錯唔錯，海南雞飯套餐中規中矩D雞幾滑㗎，但飯不夠油香，個盤小食拼盤有炸蝦餅，串燒，蝦春卷，香葉爆雞總括來講樣樣都幾好食。另外，講一講餐前奉上的茶都幾好飲，有陣陣龍眼嘅香味。