喇沙專門店 (已結業)

又嚟到西九龍中心覓食。今次幫襯喇沙專門店，叫得專門店，喇沙應該係主打，一定要試，於是叫咗個大蝦喇沙麵。一碗喇沙，最重要嘅肯定係個湯底，以快餐店嚟講，呢度嘅喇沙湯底算唔錯，唔會好稀，椰香味亦算香濃，幾好飲。配料方面，除咗蝦之外，仲有魚片，熟蛋，芽菜同豆卜，最好食嘅當然係豆卜，因為粒粒吸滿湯底，一啪入口，再爆漿，其味無窮。其他配料就正常水準。