Mee...lemongrass (已結業)

呢間嘅喇沙湯麵線真心推介，今晚去咗呢度食飯，環境舒適，坐得舒服。做緊龍蝦喇沙優惠，不過我唔係幾好龍蝦🤭朋友叫左份緬甸咖喱薯仔雜菜$72加白飯$14，估唔到咖喱唔算好辣，但係好香！薯仔非常軟綿綿，加上唔同各式各樣嘅雜菜，口感即時變得豐富，配飯食一流。以我當然唔少得喇沙麵線，叫咗一份Mee... 喇沙大蝦、蜆肉、蟹柳、魚蛋、豆粕、雞蛋、魷魚$78。其實仲有雞絲等等嘅選擇，不過認為呢個比較多餸，好似幾抵食咁。大蝦同埋蜆肉好新鮮，味道唔錯。加上魚蛋、豆粕，雞蛋等等都幾高質，各有特色。飲左新鮮青檸梳打凍 （少甜 ）$28同埋黑糖薑母茶 ，唔錯阿，新鮮青檸梳打非常清新，少甜的味道不會過甜。