影片
更多
2006-11-12
109 瀏覽
星期六BBQ前係呢間工廠區樓上cafe食個lunch,一來方便集合坐車,二來都想試下被魚魚包圍感覺。撐左二層樓梯上到餐廳,地方唔係太大,星期六人客都唔係太多,只係侍應安排座位方法就真係有d問題。我已經講左有三位,女侍應竟然安排一張二人檯加一張椅比我地??!! 我要求坐另一張較大既4人檯(但又係加一張椅變成五人檯),女侍應話:有可能要搭檯喎! (下??搭檯??!!)女侍應繼續話:呢張好呀,可以睇到魚缸,大個張睇唔到...好!我坐,反正隔離幾位阿姐都就黎走既樣,到時我自己轉!餐牌選擇都算多,自己揀左龍蝦汁蝦球天使麵;tyty揀左忌廉汁田螺寬意粉。羅宋湯:色澤好淡,雖然蔬菜份量幾多,但味道真係唔夠濃,唔對我胃口,而且罕有地無配麵包,well....龍蝦汁蝦球天使麵:造型完全引唔起食慾,望上去好似齋麵一碟。龍蝦汁味道似有還無,真係要味覺好敏感至感受得到;天使麵質感還可,唔太淋但食落似食米粉多d;蝦球4大粒,蝦肉都幾爽口,但唔覺有鮮味;全碟仲有數得出既數薄片蘑菇,食左幾口已經叫未上黎朋友食完野至好黎。至於tyty個碟,味道都係好淡,但已經比我呢碟有味道,意粉口感都ok;似乎廚師真係崇尚少鹽健康煮
撐左二層樓梯上到餐廳,地方唔係太大,星期六人客都唔係太多,只係侍應安排座位方法就真係有d問題。我已經講左有三位,女侍應竟然安排一張二人檯加一張椅比我地??!! 我要求坐另一張較大既4人檯(但又係加一張椅變成五人檯),女侍應話:有可能要搭檯喎! (下??搭檯??!!)
女侍應繼續話:呢張好呀,可以睇到魚缸,大個張睇唔到...好!我坐,反正隔離幾位阿姐都就黎走既樣,到時我自己轉!
餐牌選擇都算多,自己揀左龍蝦汁蝦球天使麵;tyty揀左忌廉汁田螺寬意粉。
羅宋湯:色澤好淡,雖然蔬菜份量幾多,但味道真係唔夠濃,唔對我胃口,而且罕有地無配麵包,well....
龍蝦汁蝦球天使麵:造型完全引唔起食慾,望上去好似齋麵一碟。龍蝦汁味道似有還無,真係要味覺好敏感至感受得到;天使麵質感還可,唔太淋但食落似食米粉多d;蝦球4大粒,蝦肉都幾爽口,但唔覺有鮮味;全碟仲有數得出既數薄片蘑菇,食左幾口已經叫未上黎朋友食完野至好黎。
至於tyty個碟,味道都係好淡,但已經比我呢碟有味道,意粉口感都ok;似乎廚師真係崇尚少鹽健康煮食法。tyty評語為:呢度唔算係樓上cafe,極其量係一間餐廳搬左上2樓,而且叫我幫佢比多個喊面。
凍咖啡:似乎係即磨貨色,味道ok,不過最特別一樣係杯中無冰!但杯咖啡又唔係冰凍bor,唔知想點??
呢度的確係有2個大魚缸又有小魚缸,d魚魚都真係幾靚,只係食物無甚可取,服務又唔得,雖然後來幫我地轉梳化位,但已經彌補唔到頭先既不快,再黎既機會係零。
張貼
