雞翼山 (謝斐道) (已結業)

食咗呢幾隻雞翼，喚醒咗我。原來我真係愛雞翼。經過雞翼山幾次，今次真係忍唔住試下。$38/4隻，仲可以加$18有野飲。我第一次食，就叫咗店長推薦嘅文青風玫瑰。等咗一陣就有得食。差啲忍唔住，唔記得相機食先。外表好靚，有小小花瓣喺雞翼上面，上面仲插咗支旗，寫住 「不要儀態⋯只想吃雞翼」可以問佢拎手套或膠叉，我想keep 住嗰少少儀態，唯有揀膠叉啦。嘩，好好食，上面嘅蜜糖份量剛好，仲好入味。因為佢係即叫即炸，所以熱辣辣，又甜甜地，好好味。下次要食其他味！