喜喜燒臘茶餐廳

營業中

休息中

整個早上都在客戶那邊support，中午時間正好在這一邊吃飯。想起這邊的喜喜有朋友說過不錯，在門口看到人頭湧湧（其實是在等外賣），就進去試試了。出名在燒臘，也的確看到牌大部份都是燒味餐，想起不知何時會再來，就豪一次吃一個乳豬三寶飯連例湯。例湯是青紅蘿蔔煲豬骨，大路的例湯，只要夠味也無味精我就收貨了。乳豬三寶飯即叉燒、燒鴨、乳豬，$50一碟，件頭唔細，算有良心。乳豬果然是招牌，皮脆、肉多、中間肥膏不厚，最驚喜是肉背帶點微燶，很香口，很合我口味。叉燒既甜且瘦，梅頭肉鬆化，也很不錯。最後的應該是燒鴨不是燒鵝，雖然明爐燒味掛起上黎個樣好似燒鵝，但如果那是燒鵝的話，未免太沒鵝味了。燒鴨肉多皮脆，對於我呢個食肉獸黎講真的滿足。其實餐牌上已經寫左係賣燒鴨，真期待如果有賣燒鵝會是甚麼味道。雖然是有點遠，但可以再黎幫襯，其實灣仔有幾間喜喜，但未知是否同一老細／水準，有機會去試下的。