家家頌餅店 (已結業)

今日(26-5-2013 Sun)男友要返工,淨返我一人,求祈o係o度買麵包食當早餐,o黎到,睇到吉列豬扒包,雞扒包,豬柳包同熱狗都係$5.50一個,咁我揀熱狗,又見到有豆沙燒餅,但冇標價錢,於是問問,係$5.50三個,咁就買埋啦.返到屋企睇睇個熱狗,只有番茄,青瓜同普通腸仔各一,極其普通,件青瓜好似好乾添,食吓先,佢唔乾身仍有汁,不過冇乜味,腸仔同番茄呢啲冇問題啦,個冇味熱狗包冇烘過o既,但人o地只收$5.50,算啦.而豆沙燒餅呢,一個唔大件,食落,微微煙韌o既糯米皮竟然係到糯米味,豐盈o既豆沙餡甜度適中,整體感覺比想像中好,同時新鮮出爐食應該會好好. 味道分係 3.75分