囍越 (屯門市廣場) (已結業)

友人有喜事宣佈，咁岩見到呢間囍越，岩晒天時地利人和，等位嘅過程都好快，位置都幾易揾，咁岩個位置可以睇到廣場個大電視，而個電視就正正播緊足球，可以一路食一路睇波，都咪話唔爽我地叫左個烤豬頸肉配濱海濱海類似米線咁嘅味，造到好似網狀咁，一塊菜夾一件豬頸肉再夾一件濱海，配合調味嘅醬，菜新鮮爽口，而豬頸肉經調制比一般再稔身，咬两口都吞得，好滑，小妹覺得濱海就配返佢地魚露就吊返啲味，好似食稔嘅檬粉咁香蒜炒椰菜苗椰菜苗就比較硬身嘅，咁加埋香蒜炒，食落好爽口又好香口，但就要咬耐啲，唔係會好un胃冬蔭公海鮮炒金邊粉老實就同圖片有小小出入，顏色無咁深，但好彩都炒得好入味，佢嘅冬蔭公味入晒落啲金邊粉，但又唔會好辣，加上材料豐富，有尤魚有帶子仔有蝦，仲有啲香料，好惹味熱桂花香蜜呢杯飲品一上枱已經陣陣桂花香飄出黎，加上蜜糖，成件事好清新好飄，好似飲花茶咁，喺越南餐廳有呢啲特色飲品，難怪呢間餐廳長期滿座