影片
更多
2014-08-17
3749 瀏覽
今日約咗舅母食晏，舅母提議食老富昌法國菜。呢間嘢響旺角仲有分店時（N年前嘅事～），果陣時仲有semi buffet我已經食過當時仲係普通西餐，味道冇咩特別所以今餐公主我其實冇咩期望，諗住求其食餐填飽肚就算點知又估你唔到有啲都唔差喎 頭盤可以揀西蘭花蟹肉忌廉湯、田園蕃茄什菜湯或廚師精選沙律：西蘭花蟹肉忌廉湯味道冇特別，所謂嘅蟹肉連絲都稱唔上，只係有好微量嘅蓉，西蘭花蓉係冇西蘭花味，而且連忌廉味都冇 ；田園蕃茄什菜湯，好普通西餐廳或茶記嘅紅湯 ，唯一係有好多洋蔥又煮得好冧，鍾意食洋蔥嘅朋友就會好開心；廚師精選沙律亦冇怎特別，而菜亦唔新鮮，咬落好霉又唔爽脆。頭盤呢一環老富昌真係唔掂檔 另有一小籃法包，呢個唔錯，都算熱又夠外脆內軟。 公主我叫咗什菜燴羊肉仔，可能因為係羊仔嘅關係，唔會好羶但相對上羊味都唔夠濃。而且好有趣地，啲羊仔肉又有好似牛扒咁嘅滑嘟嘟嘅筋，好有咬口 。但肉就燴得硬咗啲，有兩舊𡁻到我牙都軟，又有少少痴牙 。另外什菜有輕微嘅蒜蓉香味，但菜都係恰到冧晒，或者係急凍菜，所以無晒蔬菜應有嘅爽脆感。不過佢嘅飯、菜、肉比例好響應健康，3：2：1，而且份量好足，所以我都食淨少少
呢間嘢響旺角仲有分店時（N年前嘅事～），果陣時仲有semi buffet我已經食過
當時仲係普通西餐，味道冇咩特別
所以今餐公主我其實冇咩期望，諗住求其食餐填飽肚就算
點知又估你唔到有啲都唔差喎
頭盤可以揀西蘭花蟹肉忌廉湯、田園蕃茄什菜湯或廚師精選沙律：
西蘭花蟹肉忌廉湯味道冇特別，所謂嘅蟹肉連絲都稱唔上，只係有好微量嘅蓉，西蘭花蓉係冇西蘭花味，而且連忌廉味都冇 ；田園蕃茄什菜湯，好普通西餐廳或茶記嘅紅湯 ，唯一係有好多洋蔥又煮得好冧，鍾意食洋蔥嘅朋友就會好開心；廚師精選沙律亦冇怎特別，而菜亦唔新鮮，咬落好霉又唔爽脆。頭盤呢一環老富昌真係唔掂檔 另有一小籃法包，呢個唔錯，都算熱又夠外脆內軟。
公主我叫咗什菜燴羊肉仔，可能因為係羊仔嘅關係，唔會好羶但相對上羊味都唔夠濃。而且好有趣地，啲羊仔肉又有好似牛扒咁嘅滑嘟嘟嘅筋，好有咬口 。但肉就燴得硬咗啲，有兩舊𡁻到我牙都軟，又有少少痴牙 。另外什菜有輕微嘅蒜蓉香味，但菜都係恰到冧晒，或者係急凍菜，所以無晒蔬菜應有嘅爽脆感。不過佢嘅飯、菜、肉比例好響應健康，3：2：1，而且份量好足，所以我都食淨少少
舅母叫咗焗石斑柳，魚柳嘅肉質好結實，一啲都唔霉，而且又有鮮味亦唔太咸，好有驚喜 。而且焗完嘅表面脆卜卜，好香口。但所謂嘅蟹肉香檳牛油汁咪又係一般牛油汁～邊有咩蟹肉香檳啫？
媽媽叫嘅係燒春雞。其實公主我一向唔多鍾意叫燒春雞，唔係唔喜歡食，而係唔係間間餐廳都整得好：一，唔熟又標血水，真係你食埋我果份喇；二，燒到熟過龍，咁啲肉就會又乾又鞋到無朋友。但老富昌今次真係令公主我喜出望外，因為除咗雞脾之外，佢連雞胸都好滑，雞味亦好香又唔過咸。公主我大力推介。 唯一係雞皮俾汁淋到冧晒，一啲都唔香口，唔夠脆卜卜。 不過個他力干磨菇燒汁，幾好有磨菇肉但我真係唔係好食到他力干嘅味（Tarragon，他拉干應該係較常見嘅名，如果叫呢個名大家應該好熟識啲）不過配石班同春雞嘅薯蓉就唔得喇，唔係新鮮煮而係用粉開水整嘅，即刻令公主我好有KF雞嘅感覺。之但係，以咁嘅價錢，算～
最近媽媽去學煮咖啡，所以佢覺得個Cappucino有啲over cooked，有朕燶味。
反而個凍檸茶幾好，茶味夠香，檸檬亦夠所以篤得出味來。以佢嘅價錢，主菜真係好好食，但個頭盤真係要大力改善！
張貼
