博多拉麵別天神 (已結業)

有史以來第一次覺得要寫食評！無意中搵到呢間唔起眼嘅小店食拉麵，格局好似喺日本街頭嘅地道小店。雖然麵嘅款式唔多，但反而對有選擇困難嘅食客可能係一件好事。自己㩒機落單俾完錢，就可以坐定定等麵到。日式叉燒拉麵周圍都食到，但呢度嘅湯底好香，味道啱啱好！最欣賞嘅係佢嘅叉燒！(我一向對日式叉燒無好感！) 無論係喺日本定香港，都從來未食過口感咁好嘅日式叉燒！食落去肉質仲係好 juicy，但又一啲都唔肥膩。嗰種好味我實在唔識形容，總之就係食完之後好想俾其他人知道喺旺角鬧市入面有一間 hidden gem，一定唔可以錯過！食完之後，店入面我覺得似係老闆娘嘅女仕好有禮貌咁多謝我。雖然戴住口罩，但你仍然可以見到佢喺口罩下面非常燦爛嘅笑容，係發自內心，而唔係公式化嘅笑容！因為小店座位有限，所以最啱自己一個或者拍住拖嚟食！