影片
更多
2011-06-19
18 瀏覽
因為有長輩提出去呢度食晚飯, 所以「無得反對」下要去呢度食嘢, 我又當然喺去食前嚟「開飯喇」睇下有咩好食做下功課啦, 結果, 我發現無咩特別想食嘅嘢,因為樣樣都好平凡。唔知係唔係因為咁, 喺完全無期望下, 卻令我喜出望外!!!!!!是日我稍微遲到, 所以我完全無機會參與叫咩嘢食, 同上述一樣, 無咩我係想食嘅, 咁我就唯有「逆來順受」啦, 點知……..原來無期望先知真係會喜出望外架!!!!!!1)燒鵝半隻-----嘩!!!!!!!估唔到隻鵝本身肥瘦非常適中, 瘦肉多而又有少少嘅肥肉喺卜卜脆嘅皮下邊, 嘩!!!!食落啲皮既甘香爽脆, 而啲肉又好味彈牙, 實在非常之好!!!2)香汁燒羊脾----啲汁好正, 不過我唔記得實在係咩汁, 總之啲羊脾又係好嫩口, 而且燒得啱啱好,啲肉汁鎖晒係入邊!!!一啲都唔老!!!!!3)薑蔥肉蟹---呢個又係另一驚喜之作, 嚟到上枱, 外表平平無奇, 同一般食肆嘅無咩分別, 但係一食落(我有幸食到隻蟹拑)就不得了, 因為啲肉非常之咁嫩, 而且隻肉蟹咁厚殼, 唔明點解可以令到啲肉非常之咁入味, 好好好正!!!!!非常後悔最初以為唔好食, 而讓晒同枱嘅人食先, 搞
是日我稍微遲到, 所以我完全無機會參與叫咩嘢食, 同上述一樣, 無咩我係想食嘅, 咁我就唯有「逆來順受」啦, 點知……..原來無期望先知真係會喜出望外架!!!!!!
1)燒鵝半隻-----嘩!!!!!!!估唔到隻鵝本身肥瘦非常適中, 瘦肉多而又有少少嘅肥肉喺卜卜脆嘅皮下邊, 嘩!!!!食落啲皮既甘香爽脆, 而啲肉又好味彈牙, 實在非常之好!!!
2)香汁燒羊脾----啲汁好正, 不過我唔記得實在係咩汁, 總之啲羊脾又係好嫩口, 而且燒得啱啱好,啲肉汁鎖晒係入邊!!!一啲都唔老!!!!!
3)薑蔥肉蟹---呢個又係另一驚喜之作, 嚟到上枱, 外表平平無奇, 同一般食肆嘅無咩分別, 但係一食落(我有幸食到隻蟹拑)就不得了, 因為啲肉非常之咁嫩, 而且隻肉蟹咁厚殼, 唔明點解可以令到啲肉非常之咁入味, 好好好正!!!!!非常後悔最初以為唔好食, 而讓晒同枱嘅人食先, 搞到自己想食多一件都無晒!!!!!
4)石榴燒雞----都係最初一樣以為唔好食, 點下啲石榴汁食落去, 點知又有驚喜, 因為個石榴汁可以「吊」起啲雞味, 而且又開胃, 令我可以繼續食多啲嘢。
5)海味煲---因為大家都估唔到啲食物咁OK(所有人都未嚟過食!), 所有人都意猶未盡, 所以我終於有機會自己揸主意叫一個餸，我記得呢個餸價錢係$198, 一嚟到, 香味四溢, 仲要入邊嘅冬菇有至少6件、海参有至少4條同4隻鵝掌喎! 冬菇我無食到, 因為我麻麻地, 但係聽其他人講都OK, 而海参就夠爽口, 鵝掌我就一個人食咗兩大隻, 因為其他人無興趣食, 好諗口好軟身, 用鮑汁煮, 全部都咁入味, 讚!!!!!
6)燒腩仔---肉夠瘦而皮夠脆, 因為作為前菜而份量較少, 無機會影相俾大家睇
7)皮蛋---唔知點比較, 因為我都係第一次食, 事關之前想食、但又怕唔好食會浪費食物而無叫過, 故此, 我唔識比較好或唔好一只係知好溜。
服務無問題, 基本上啲侍應一叫即到, 值得一提係全塲嘅座位除咗有啱一大斑人食嘅大枱外, 亦有啱兩個人食嘅卡位, 包保坐得舒服, 食得開心! 而且, 所有食物都做得非常骨仔同賣相好靚!!!!!!呢度可以講得得話係將一啲平凡嘅食物轉為不平凡嘅一間食肆!!!!!
張貼
