台食時代 (已結業)

今日唔想出去食飯所以就近近地叫左個app台灣野黎食下 咁岩見到間新新地嘅餐廳就試試佢 我叫左蜜汁雞扒便當🍱同芝士牛肉胡椒餅個便當超級大盒 黎到係脹滿哂個盒 塊雞扒係超大塊同超滑 完全唔鞋口 幾鐘意佢旁邊有兩款疏菜做配菜 一份係椰菜 另一份係荀炒海帶絲 另外除左雞扒仲有兩小塊台灣香腸 就咁食都唔會話太乾所以還好 同埋佢飯仲配左豬手汁 咁就唔會話就咁食飯咁乾另外個芝士牛肉胡椒餅就好喜出望外！因為香港都唔係好覺邊度有得食 同埋冇諗過個胡椒餅咁大個 以為係小食咁所以食唔哂 送到黎個胡椒餅仲超熱 咬開仲有芝士拉絲嘅效果！牛肉方面係超級足料 每一啖都會伴隨住牛肉 唔會話淨係食到皮咁 所以呢個我都幾大機會會回購🫢 飯量方面都足夠 如果係男仔可能可以係備註寫一句睇下有冇得多少少飯咁