加太賀

營業中

休息中

三十年老字號，花之戀始創店，日式風情一條街，呢啲見證住加太賀的光輝歲月的稱呼，好耐之前已經聽過，雖然香港年青人好喜歡食日本野，但係加太賀係好多年輕人心中似乎形象有點過時，而我雖然經常路過，但係感覺冷清的加太賀一條街，同埋看似陽春的彩色噴墨打印餐牌，令我一直都缺乏試一下的興致。直到有一次心血來潮想試一下，想不到竟然有驚喜，店內環境比想像中好同乾淨，彩色打印的餐牌雖然不太美觀但是餐牌是每星期會轉的都算有誠意。第一次光顧就試了日式雜錦魚生粒飯，食物實物比餐牌上的照片好看，魚生配上蛋絲芝麻，日式碗筷，賣相出奇的好，味道方面魚生不腥，魚生份量多，魚生甚至多過飯，食完飯都未食完魚生，缺點是吞拿魚有筋，章魚比較韌。除了主菜，跟餐的麵豉湯似吉野家的味道是我喜歡的味道，味道不錯，最後有一粒細雪米滋作為甜品，因為叫了多飯，食完都幾飽，魚生飯都只是62蚊，算好抵食了。