うどん処 今助

營業中

休息中

之前行過見到有好多套餐選擇，有好多都係烏冬配壽司，最初以為佢係食日本嘢嘅。今晚終於同男朋友去咗食晚餐，喺門口見到啲職員喺度整壽司，啲帶子超大粒啊，搞到我哋非常之期待。入到去之後發現套餐嘅選擇好多，有啲仲係烏冬配魚生飯，真係大胃王先至食得到啊。我哋都係叫做烏冬配壽司套餐。我就叫咗個牛肉烏冬配六件壽司餐，啲嘢食好快送到。而且侍應會睇你坐低嘅時候問你要熱茶定凍茶。啲烏冬粗身有咬口，仲吸咗好多湯，二湯底就係我最鍾意嘅有少少甜味嘅日本濃湯，牛肉份量都好多，好好味，個塊司雖然細細件，但質量唔錯，吞那魚都好香，帶子更加係大大隻，好好味！下次要再食大胃王餐先！