大家樂

營業中

休息中

星期日，成家遊行完畢，到唔想番屋企再煮飯，於是求其在星光行大記醫肚，叫了咖喱牛腩、鐵板西冷和魚香茄子釀豆腐煲配人蔘素翅燉雞，由於好多人，等成廿分鐘先有得食。質素其實也不錯，只是鐵板那塊扒又柴又細，反而伴碟o既薯角、蕃茄和魷魚圈仲正；咖喱牛腩o既咖喱汁唔夠香，但牛腩冇渣又入味都算唔話得；豆腐煲都好足料，有四磚豆腐，加上冇焗到黃晒o既茄子和吸盡精華o既墊底生菜，雖然茨汁杰了一點，油又多，但一於少理，因為行完幾個鐘都要補番流失o左o既脂肪才行；綜觀而論，最掂是那盅人參素翅燉雞，成支人蔘響裡面，湯底清且甘，真的不錯，只是火喉未足，不然就更加好。