Open Kitchen (已結業)

今日同兩位同事去咗IFC食lunch，本身同事想食Greyhound,不過差唔多兩點鐘仲要排隊 （好彩要排隊，因為我根本唔鍾意食Greyhound)，所以我們就去了對面的open kitchen食飯。餐廳門口有個counter 可以買sandwiches, pizza, drinks, salad......買完後，如果餐廳有空位你可以選擇在裏面吃。呢個就係個lunch set Menu喇～我哋仲加左＄10飲蘑菇湯，好彩有加到，個湯好好味，d蘑菇碎好有咬口並唔係普通罐頭湯味道。我點左'' 茄香燒虎蝦手製扭紋粉''，個source 好味好濃，有3隻小蝦，1隻中蝦，d 肉夠實，唯獨個扭紋粉有少少硬，不過好明顯係手製，因為個質感好煙''un''.其中一個同事點了''野菌黑松露忌廉手製闊條麵''，佢話個忌廉汁好有黑松露味，平時佢好細食，今次佢真係覺得好好食，竟然整碟食得晒。另外一個同事就是點了All Day Breakfast, 不過呢一個冇乜特別，連相都懶得影，味道都係平時嗰種味囉。冇諗過呢間餐廳質素唔錯，我哋已經講明下次要再嚟多次食，選擇其他款式。