潮樂園 (京街) (已結業)

潮樂園今日遊完一日車河，四圍啲餐廳都閂晒門，咁個朋友就車我地係銅鑼灣附近揾野食啦。行行下入左去大坑，兜咗個圈發現有間滷水鵝飯好似幾正咁，我地二話不説即刻入去買外賣上車食。潮樂園唔算好大間，但地方都打理得好乾淨。而呢間吸引我地食既原因係佢個滷水汁真係好香，遠處已經聞到帶少少藥材味既滷水味。等緊既期間見到前面既人叫既拼盆，都可覺用料幾好，睇得出師傅好有功架。咁我地就叫咗幾盒幾拼飯上車食。滷水鴨拼鵝腎飯。首先講咗個滷水汁先，味道調教得啱啱好，唔會得個咸字，反而入口有淡淡既藥材味，非常特出，好好食。而鴨肉方面都好嫩滑，肉味好濃郁，不過就會有骨，唔想有骨既朋友可以揀鵝片。鵝腎好大片，咬落亦都好爽口，成個飯都好食。而朋友就叫咗鵝片，肉味同油脂感都更豐富。隨餐亦都附送一碗紫菜湯，好正呀。大家經過一定要試下佢。