影片
更多
2023-07-05
37 瀏覽
今晚去左將軍澳探朋友，之後當然順便食好西，今次就揀左形，主打日式串燒。首先入到去個環境喜出望外，枱與枱之間有好闊的空間，而中間有個好有特色的酒吧，望番Menu都有唔同酒選擇，而Happy Hour原來平日去到夜晚9點，對我地黎講都算著數。而酒吧旁邊就係桌球枱同埋飛鏢機免費任玩，另外形都係寵物友善餐廳，見到有唔少街坊拎住毛孩落黎飲番幾杯。講番主菜，串燒味道幾好，整體質素唔錯，首推免治雞肉棒，燒得夠香，外脆內軟，沾上日本生雞蛋充滿濃郁的蛋味。另外唐揚雞塊雖然係好普遍的菜式，不過呢度的雞塊餣得唔會過鹹，最重要係肉質超Juicy，所以食落去會好舒服，唔會覺得熱氣。雞泡魚乾同豬扒夠油香，而牛油帶子亦幾抵食同新鮮，以呢個價錢同環境黎講都算抵食。最後食串燒當然要叫番特色的Mocktail，Passion Fizz酸酸甜甜夠開胃，而Mix Berry Paradise好抵飲同足料。最後問番店員先知形係開到凌晨四點，咁遲D開新一季可以約埋附近的朋友黎呢度睇波!
而酒吧旁邊就係桌球枱同埋飛鏢機免費任玩，另外形都係寵物友善餐廳，見到有唔少街坊拎住毛孩落黎飲番幾杯。
講番主菜，串燒味道幾好，整體質素唔錯，首推免治雞肉棒，燒得夠香，外脆內軟，沾上日本生雞蛋充滿濃郁的蛋味。另外唐揚雞塊雖然係好普遍的菜式，不過呢度的雞塊餣得唔會過鹹，最重要係肉質超Juicy，所以食落去會好舒服，唔會覺得熱氣。雞泡魚乾同豬扒夠油香，而牛油帶子亦幾抵食同新鮮，以呢個價錢同環境黎講都算抵食。
最後食串燒當然要叫番特色的Mocktail，Passion Fizz酸酸甜甜夠開胃，而Mix Berry Paradise好抵飲同足料。最後問番店員先知形係開到凌晨四點，咁遲D開新一季可以約埋附近的朋友黎呢度睇波!
張貼
