影片
更多
2013-02-28
95 瀏覽
忙咗一排終於有時間寫番篇食評！撞岩友人K話咁耐冇見不如出嚟食餐飯而佢又唔知想食咩嘅機會，於是小弟就上openrice睇下有咩岩食，決定試下呢間只有正評沒有負評的食店。一坐到埋位，侍應哥哥已經好貼心咁話「不如畀兩個膠套你哋笠住個電話丫~」，講真淨係呢個舉動已經加哂分！而落order之前同一位侍應哥哥又好好心機咁介紹餐廳提供嘅三隻醬汁，分別係蒜蓉醬(左)、日式燒汁(中)同埋沙爹醬(右)。雖然佢一日睇怕係咁重覆講呢段話幾千次但係都算係咁啦！首先當然係點咗上級牛肋肉(前)+豬頸肉(後)呢兩樣出名嘢啦。講真牛一碟成$59堅唔算平但係燒完之後食落口好好咬得黎又唔會硬，同埋真係好有牛味 至於豬呢就唔太特別~ 另外都叫咗個石鍋牛肋肉湯飯。雖然肉真係唔多但個飯整體嘅味道都好濃郁，而且湯和飯的比例剛剛好。美中不足的就是份量少了點…後尾再添食，嗌咗個蛋黃醬海老。燒法幾特別，係連埋個盤一齊燒一分鐘，而過程中就順便將面頭嘅沙律醬撈勻~ 平時小弟都唔好食沙律醬的，但燒熟了的蝦配上這醬卻係相得益彰！沙律醬的味道不但沒蓋過蝦味而且令蝦吃起來更鮮！！最後當然唔少得嘅甜品小弟點了個牛角栗蓉雪糕(抹茶)。個人覺得抹茶味比
忙咗一排終於有時間寫番篇食評！
撞岩友人K話咁耐冇見不如出嚟食餐飯而佢又唔知想食咩嘅機會，於是小弟就上openrice睇下有咩岩食，決定試下呢間只有正評沒有負評的食店。
一坐到埋位，侍應哥哥已經好貼心咁話「不如畀兩個膠套你哋笠住個電話丫~」，講真淨係呢個舉動已經加哂分！
而落order之前同一位侍應哥哥又好好心機咁介紹餐廳提供嘅三隻醬汁，分別係蒜蓉醬(左)、日式燒汁(中)同埋沙爹醬(右)。雖然佢一日睇怕係咁重覆講呢段話幾千次但係都算係咁啦！
首先當然係點咗上級牛肋肉(前)+豬頸肉(後)呢兩樣出名嘢啦。講真牛一碟成$59堅唔算平但係燒完之後食落口好好咬得黎又唔會硬，同埋真係好有牛味 至於豬呢就唔太特別~
另外都叫咗個石鍋牛肋肉湯飯。雖然肉真係唔多但個飯整體嘅味道都好濃郁，而且湯和飯的比例剛剛好。美中不足的就是份量少了點…
後尾再添食，嗌咗個蛋黃醬海老。燒法幾特別，係連埋個盤一齊燒一分鐘，而過程中就順便將面頭嘅沙律醬撈勻~ 平時小弟都唔好食沙律醬的，但燒熟了的蝦配上這醬卻係相得益彰！沙律醬的味道不但沒蓋過蝦味而且令蝦吃起來更鮮！！
最後當然唔少得嘅甜品小弟點了個牛角栗蓉雪糕(抹茶)。個人覺得抹茶味比較淡，但這甜品特別在於雪糕面頭多了一層栗蓉，有點像在茶餐廳喝好立克胚芽的感覺呢！
張貼
