素街 (已結業)

觀塘有幾間素食，多數是兩/三餸快餐，坐得較迫，快食快走。疫情下想坐得舒適，食物種類多，非用即棄餐具，食材新鮮，素街真係無得輸。先坐下，餐具自己取，但提議每人一套餐具，1小時內完成，食完自己回收餐具，付款，平日午餐$68/人，周六日午餐$98，好抵。晚市好似係set dinner.食物不斷補給，有沙律，熱食，湯，甜品，飲品。食物多數係天然食材，少許素肉，味道適中。最好食係各式炸物，荷葉飯，豆腐，關西煮，胡椒湯，紫米露。1點去到都大把位，可能後生無咁鍾意食素，而且係2樓少人知，希望藉此推廣下素食，為環保為持續發展努力。