Epoch Coffee Bar (已結業)

朋友介紹呢間話三文治幾好食，招呼好。尋晚終於一試，果然一d都無失望!侍應態度好好（我地冇叫飲品，仲不斷加水，佢地仍然笑容滿面！）令我同d 朋友都讚不絕口!我地一行4人，點左三份三文治，一份侍應熱心介紹的晚餐，加再兩個沙律。三文治好足料又幾新鮮。Chicken & avocado同crab meat都好好味，醬又足夠，唔會感覺”乾爭爭”。Smoked salmon加左洋蔥，所以我冇試，朋友話都ok好味。晚餐係multigrain rice配stuffed chicken breast，跟湯、甜品及餐飲($98)。以為餐湯一定細細碗，送到來發現都幾大碗，而且唔係普通蘑菇忌廉湯，而係minced mushrooms，啖啖都好濃，好鬼好味。個主菜就不過不失，如果雞胸滑d會好d。最意外應該係個跟餐甜品，可以任選cake櫃裡面任何一件cake。(一入到去已經覺得個cake櫃好靚，d cakes幾精緻)我地要左tiramisu，方形的幾特別，味道亦相當好。(要追加一件！)沙律叫左Mozzarella & tomato 同Caesar，Mozzarella & tomato個賣相非常吸引，用料亦不錯。