吉豚屋吉列豬扒專門店 (已結業)

今日去麥當勞嘅時候，就見到隔離依間吉豚屋出咗新嘢，有呢個［中州魚介豚骨拉麵］同埋［中州魚介醬油拉麵］，身為魚介拉麵迷的我當然不會亦不想錯過，咁咁啱又有一排冇食而且之前都覺得ok就諗住夜晚去食。跟住到咗夜晚大概6:55，見到仲有少少座位，就順利地直接入咗去，坐低之後就見到仲有一個乜嘢姜怱醬炸蝦鮪魚丼，嗌咗一份，另外仲嗌咗一個［《中州魚介豚骨拉麵》］嘅餐，$22仲可以加一個迷你飯，我就嗌一個咖喱吉豬飯。首先上嘅就係迷你吉豬飯，整體嘅肉外皮酥脆，肉質不過不失，但咖喱醬汁就唔辣，鍾意食辣同惹味啲嘅可能就唔係咁啱啦。跟住就係套餐主要嘅中州魚介豚骨拉麵，湯整體嘅魚介非常濃郁，超級，麵亦都係煙韌嘅，而且豚肉嘅肉質非常淋，香味非常濃厚，隔離嘅紫菜亦都吸收咗好多湯，食落係滲晒啲汁出嚟，都係一個字，。最後就要講依個和味姜蔥醬吉列炸蝦鮪魚丼，嗰啲薑蔥醬有啲洋蔥味以及係鹹鹹哋嘅，撈飯食都，炸蝦嘅外皮非常之鬆脆，大件夾抵食，$59都可以好夠食，鮪魚嘅肉質就比想像中彈牙。感覺吉豚屋嘅品質真係有進步。不過我就暫時未食過外賣⋯⋯