連粵日粵饌居酒屋 (已結業)

兩公婆係銅鑼灣找嘢食，無意中發現有個地方可以俾我地坐低慢慢食吓嘢，好囉，次次係呢區都要食 “快餐” 咁，終於有次唔同囉！一入去就見到有唔少 sake，哈哈，啱晒，叫侍應介紹 d 新口味試試，一隻就酒味重 d ，一隻就花香味多 d ，先試隻香味重 d 的 … 有酒喇，冇嘢佐酒點得，先來“串燒雞軟骨”，嘩….好味！拍得住 d 大餐廳喎！ 唔夠喉再來多一客。另一款“鹽燒鯖魚”就一般喇之後叫侍應介紹左兩個小食：梅子涼瓜、柚子酒煮蜆。涼瓜好爽口，梅子味唔太濃；蜆肉煮得很嫩滑，有清清的酒香，湯就帶點甜味，食蜆之餘連汁都飲埋，推，哈哈…開始叫 d 飽肚的，“蒜蓉老虎蝦”，“牛肉鐵板燒”，“清湯蘿白牛腩”：老虎蝦 – OK啦，好重蒜蓉味，不過加些牛油落去應該更香！至於“牛肉”呢，勁好味喎，吃到有好濃燒汁味，表面果層脆脆地，中間夾住洋蔥和蒜蓉，好香口，必吃之選！“清湯蘿白牛腩”一般啦！牛腩都夠淋，份量都幾多！反而喜歡食蘿白多D，因為索晒D牛腩汁而本身不是太淋果種，有口感囉！最後好想食個甜品，老闆送了兩個雪米糍俾我地，整體很喜歡環境和食物！可算係意外收穫！