牛陣 (已結業)

wow~又黎牛陣開餐了！今次無上次咁蠢食隻貴餐，今次要了$45那款。不同之處在於肉類無得refill。咁仲好啦！今次細細碟嘅肉我地都差點食唔晒。要了一牛一豬，牛好鞋，好在細細碟。豬柳肉好味，不過得幾塊；豬腩一層肉一層肥，要努力咬走d肥。Mon to Thurs 汽水免費添飲添。蔬菜款式多又係無限量供應。refill得幾快。丸類只得貢丸同類似魚旦的丸。兩者都幾好，彈牙的。值得一提的係佢嘅麵。有一種係白色嘅，原來好好食！上次因為飽得滯，所以無試到。今次即刻試咗先！原來好彈牙又有咬口！麵條好滑，煮好耐都唔會淋，very good~白蘿蔔清甜，冬瓜、南瓜、芋頭都好新鮮好甜。又有菠菜、西洋菜、白菜仔、紹菜、什菇等！加埋一都係每位$50，真係好抵食！唯一淨d嘅係時間太短。得1個鐘，真係食得有d趕。