Le Petit Salon (已結業)

尋日經過銅鑼灣利景酒店，發覺原來係lobby o個層開左間新既coffee shop, 叫Le Petit Salon du Charterhouse, 見到新野, 梗係要試下啦！叫左個combo set, $HK45, 有一個牛角飽同一杯飲品。叫左杯Hot Latte試下，夠熱之餘個賣相都唔錯。飲落去唔太甜, 濃濃的咖啡味再配淡淡奶香，喜歡咖啡的朋友一妨一試。另外牛角包也不錯，店員會係你order 之後拎入焗爐整番熱佢，所以食既時候寧舍香口，外面脆裡面軟淋淋，好味除左咖啡同埋牛角包，呢間coffee shop 仲有賣啲好精緻既西餅，係Thomas Trillion 既出品，價錢唔算平, 好似都要五十幾六十蚊一件，但睇落除左靚之餘好似都幾好味, 下次有機會都會試下。我有時覺得，唔係話啲大型連鎖店出品既咖啡唔好，但始終覺得佢地太公式化，其實黎到呢啲獨立既咖啡店，睇下唔同既裝修，同店員傾下計，似乎亦係品嚐一杯咖啡之餘既另一種樂趣。