Café Moa Moa by Panash (已結業)

去荃灣睇戲，見到荃灣廣場呢間cafe好似係新開無幾耐，之前未試過，所以試下。係門口已經見到餐牌唔算平，諗住唔使等位就入去。入到去先知原來叫lunch set後麵包係任食0既，good! Set仲包杯冰茶同餐湯或沙律，待應好細心咁問我哋冰茶要唔要走冰，值得一讚。最後送來的冰茶唔太甜，仲係暖暖的，啱曬。餐湯就普普通通。叫左一個鯖魚柳飯 ($128) , 一個芝士忌廉焗長通粉 ($98)，兩個人share。份量唔多，而加0既我如果無麵包任食，呢餐係6成飽都唔夠。長通粉偏鹹，而加硬左D。鯖魚一D都唔肥，唔知係咪已經煎曬D油出嚟，所以肉都比較鞋。幸好，所有麵包都好好味，就算唔熱，但都好新鮮。每款都試曬，最好食係提子鬆餅，唔太硬又有0趙頭，牛角包同牛油餐包都十分好，很香很鬆軟！我倆吃了十多個，停唔到口呢！仲有醋同橄欖油。呢度0既麵包比起main dish好得多，建議嚟食tea，食個包比食正餐好。