喜滿樓菜館

營業中

休息中

上星期跟幾個老友出來聚舊，去咗喜滿樓食懷舊菜。好多人將喜滿樓同金碧比較，其實各有千秋，我就鍾意呢度多啲，呢度環境夠晒街坊風格，食得唔拘𧫴。菜式選擇超多過百款，價錢大眾化，仲有好多創新菜式，適合各年齡層食家。當日㸃左幾款懷舊菜：龍皇杏汁白肺湯丶風沙雞和芝麻雞各半隻、荷葉蒸膏蟹臘味炒飯、啫啫大鱔煲、避風塘鮮魷、蝦多士、焗魚腸等。菜式有新意，味道一流，夠鑊氣夠風味。招牌菜首選是芝麻雞，芝麻雞勝在芝麻夠脆夠香，風沙雞勝在夠蒜香，皮薄肉質鮮嫩有雞味，有層次口感。蝦多士更是一絕，真材實料。老友們個個食得高興，夠哂和味。