喜記避風塘炒辣蟹 (謝斐道)

營業中

休息中

踏入12月已經開始好多朋友聚會，每年我地都會食大閘蟹，今年就揀左去喜記！ 我一直以為喜記得炒蟹，原來連大閘蟹都有！朋友嗌左「 大閘蟹$1288套餐」，其中菜式有大閘蟹8隻 ，好多蟹膏好滿足。「花膠雲吞鷄煲」 好大煲，又有好大塊花膠，加埋雞肉同菜，湯底鮮甜。「避風塘雪花一口牛」 夠風味有鑊氣，有肉味同肉汁，唔會韌。「大閘蟹炒牛糕」 第一次試呢個配搭，食落又幾夾！蟹爆香微辣好惹味，又係蟹膏多好正，年糕軟腍。最后惠顧大閘蟹套餐仲可以另半價追加招牌菜：「避風塘炒辣蟹一隻（原價$780）」 ，咁抵梗係嗌埋！肉蟹肉質結實鮮甜，加上十種醬料嘅配方，香辣、味濃好正！