喜越 (已結業)

👫收工之後好想食越南菜，就搵下附近有無😝 今次嚟到呢間喜越，餐廳裝潢簡單清新，菜式選擇都幾多，有啲仲加入咗獨特嘅創新元素添🤤一一一一一一一一一一一一一一#明星咖喱雞配法包 <$88>咖哩味濃郁，雞肉鮮嫩，加埋薯仔好飽肚😚法包即叫即整夠曬熱辣辣，仲要好鬆軟，蘸埋咖喱汁一齊食真心好正👻.#蝦米仔芥蘭條 <$48>份量好多，而且芥蘭好幼嫩，唔會老🤘🏻加埋蝦味仔係面鮮味十足😋.#春卷撈檬 <$68>春卷嘅皮超薄，係越南師傅每日現包😳咬落皮脆，入面嘅餡料豐富：有蘿蔔絲、木耳、蝦米等等👍🏻唯一美中不足嘅係檬粉味道較淡😢.#香茅牛油雞翼 <$62>雞翼即叫即炸，充滿牛油香😚外層炸到金黃色，外皮酥脆，內裡充滿肉汁😎最鍾意係面頭嘅炸蒜，增加口感之餘又有豐富嘅蒜香味☺️.#冰糖香茅桂皮茶 <$36>味道好特別，充滿越南風味🤯但香茅味真係太重，對我嚟講有啲接受唔到😂.#菠蘿冰 <$36>同平時飲開嘅菠蘿冰唔同，呢杯係將橙皮同新鮮菠蘿切碎再放入冰糖慢煮至少六個鐘，最後再加入梳打水而製成🤔所以飲落係清甜而唔係死甜嘅感覺