影片
更多
2010-03-11
50 瀏覽
正為晚餐gathering 煩惱之際，最好就上下黎左search 右search！見到呢度有頁面介紹呢間餐廳有電視節目推介過。加上 有幾位食家推推推，當然要試下！ 可能係星期二晚既關系，坐左大既半個場，個下面既VIP Section滿唔滿就唔知喇。 我地除左叫招牌雞翼同關東煮外，亦點左招牌炒飯、串燒牛舌、串燒廣島蠔、炸雞軟骨、 同果汁酒一人一杯！招牌雞翼：嗯…可能下面d食家同餐廳老闆好熟，或者我唔好彩，我地叫左中辣同甜味雞翼都唔好食！其實兩隻雞翼上枱時，見佢地身無兩両肉，都有d懷疑，以為餐廳可以化腐柳為神奇，但世上真係無甘多"以為"…先講甜口雞翼，d皮乾身、痴牙、唔脆，肉質唔滑、無味、無肉汁…再講中辣，外面果d胡椒粉…激多，我朋友話似味精雞翼！而雞翼肉質同甜口雞翼大致相同，唔再重覆。仲想講下雞翼尖…我真係食唔到香、脆、鬆囉…關東煮：d汁…叫鎮店之寶？唔好玩啦…無麵豉味、唔香，只有咸味！仲要夠膽死d蘿蔔唔入味！再睇下張相，你會隱約見到右邊切開既蛋白部份仲係白色架，果條雞肉串仲要係instant！招牌炒飯：嗯…個飯…應該叫拌飯我會接受多d！ 因為我感受唔到有炒既跡象！個飯只係將，魚干、芝麻
招牌雞翼：嗯…可能下面d食家同餐廳老闆好熟，或者我唔好彩，我地叫左中辣同甜味雞翼都唔好食！其實兩隻雞翼上枱時，見佢地身無兩両肉，都有d懷疑，以為餐廳可以化腐柳為神奇，但世上真係無甘多"以為"…先講甜口雞翼，d皮乾身、痴牙、唔脆，肉質唔滑、無味、無肉汁…再講中辣，外面果d胡椒粉…激多，我朋友話似味精雞翼！而雞翼肉質同甜口雞翼大致相同，唔再重覆。仲想講下雞翼尖…我真係食唔到香、脆、鬆囉…
關東煮：d汁…叫鎮店之寶？唔好玩啦…無麵豉味、唔香，只有咸味！仲要夠膽死d蘿蔔唔入味！再睇下張相，你會隱約見到右邊切開既蛋白部份仲係白色架，果條雞肉串仲要係instant！
招牌炒飯：嗯…個飯…應該叫拌飯我會接受多d！ 因為我感受唔到有炒既跡象！個飯只係將，魚干、芝麻、醃菜、等等既材料同飯拌埋一齊…而味道…我覺得我似食緊恣飯多d…
串燒牛舌：牛舌叫正常d，但無之前既食家食既甘amazing… 起碼無甘厚身同半生熟…我地果d牛舌燒到有d乾身，表面又佈滿"味精"鹽… 牛吞係爽口，但真係唔係特別出色囉…
串燒廣島蠔：有比火燒過下既蠔，但d蠔一係唔靚一係無處理過…有異味…同埋size無份量…
炸雞軟骨：總之叫呢個係我地既錯誤決定…大家去Neway食啦… d雞軟骨係袖珍size，似係被一開二甘，真係食緊雞骨甘…
炸蝦天婦羅：呢個係全晚最最最最最最最最最最最最好食！粉漿厚薄適中，蝦夠新鮮！ 但…唔係特登黎食天婦羅麻？
果汁酒：見呢度sell sake sell到出面，唔試下唔得，但又唔識飲sake，唯有叫個果汁 mix sake 試下！我地叫左，蜜桃、荔枝、巨蜂提子。oh my god，我朋友既荔枝果汁酒…同水無分別，我既蜜桃…都有d sake味既，最好係巨蜂提子架喇！甘要多謝d巨蜂提子果汁囉！
總括而言：一係你識個老闆，一係你好好彩，否則最近唔好試呢問餐廳…甘既價錢食埋d甘既野…唔值啦！除非價錢減半啦！要食好味、外脆內嫩既雞翼？差唔多價錢，去灣仔既六角，令你滿足！起碼我三個月前去食，仍保持好水準 另外，侍應仲係未run smooth，又落錯單，又唔主動，係就係成日走埋黎睇下你，但無茶又唔加，又唔換骨碟… 加上枱同枱之問距離好近，編排到八陣圖甘…出入同傾計好唔方便…或者你當佢地仲係試業階段，等多排先去啦…
張貼
