影片
更多
2023-01-11
56 瀏覽
喫麵 | 主打亞洲各式菜TST k11 Musea 都有間分店，估唔到荃灣愉景新城亦都開左一間分店，喫麵menu 度有各款既菜式，真係可以一間店度食到曬世界各地既美食除左主食之外，亦都有唔同既小食，飲品同埋甜品，真係幾貼心，一間餐廳可以由前菜食到甜品。入到餐廳，見到光線十分光猛，座位亦都好闊落，幾grand係買左餐之後，店員會俾個機仔我地，之後機仔震就可以出返去拎餐🔶東南亞風味—海鮮喇沙 $88喇沙味道好濃郁 我鐘意重味道喇沙海鮮有青口 蝦 魚旦 仲有豆卜同糖心蛋作為配菜喇沙味道好香濃 呢個喇沙絕對要再返黎食🔶東南亞滋味—肉骨茶配飯 $88呢款肉骨茶係就係香港人口味 唔會太過濃肉骨既份量都好多舊 而且煮到一咬落去就甩骨除左排骨之外 仲有腐皮 金針 同埋豆卜將肉骨茶撈落飯度食 岩曬🔶吉列豬扒 $58吉列豬扒炸到好香脆，外表係炸到金黃，外皮脆口香口豬扒肉汁都保持到 唔會太乾 而且豬扒有肉味炸得好好🔶笑哈哈小食拼盤 $38有唔同既公仔造型 鴨仔熊仔 好得意除左得意之外 味道亦都好好 炸薯唔會炸到好乾身 保持到薯仔既水份 食落去薯仔味道夠濃夠好味🔶摩摩喳喳 $36 馬來西亞既甜品 配料有椰奶、
TST k11 Musea 都有間分店，估唔到荃灣愉景新城亦都開左一間分店，喫麵menu 度有各款既菜式，真係可以一間店度食到曬世界各地既美食
除左主食之外，亦都有唔同既小食，飲品同埋甜品，真係幾貼心，一間餐廳可以由前菜食到甜品。
入到餐廳，見到光線十分光猛，座位亦都好闊落，幾grand
係買左餐之後，店員會俾個機仔我地，之後機仔震就可以出返去拎餐
🔶東南亞風味—海鮮喇沙 $88
喇沙味道好濃郁 我鐘意重味道喇沙
海鮮有青口 蝦 魚旦
仲有豆卜同糖心蛋作為配菜
喇沙味道好香濃 呢個喇沙絕對要再返黎食
🔶東南亞滋味—肉骨茶配飯 $88
呢款肉骨茶係就係香港人口味 唔會太過濃
肉骨既份量都好多舊 而且煮到一咬落去就甩骨
除左排骨之外 仲有腐皮 金針 同埋豆卜
將肉骨茶撈落飯度食 岩曬
🔶吉列豬扒 $58
吉列豬扒炸到好香脆，外表係炸到金黃，外皮脆口香口
豬扒肉汁都保持到 唔會太乾 而且豬扒有肉味
炸得好好
🔶笑哈哈小食拼盤 $38
有唔同既公仔造型 鴨仔熊仔 好得意
除左得意之外 味道亦都好好
炸薯唔會炸到好乾身 保持到薯仔既水份 食落去薯仔味道夠濃夠好味
🔶摩摩喳喳 $36
馬來西亞既甜品 配料有椰奶、西米露、芋頭粒等
各樣都煮到岩岩好 唔會煮到爛曬
椰奶味道比較濃郁 配起芋頭粒都好夾
🔶芒果燸米飯 $ 48
芒果十分甜，拍得住係泰國食既芒果
燸米飯煮得岩岩好 唔會過軟過硬
椰汁甜甜地 配起黎好夾 有返左泰國既感覺
🍴整體評價：
足球為主題裝修 紅色為主題
西餐食物質素都好高 座位闊而且舒適
燒穀飼牛肋排好好味 必點
即製梳乎厘班戟都好得 鬆化而軟綿綿
推介指數: ⭐️⭐️⭐️⭐️
——————————————————————————————
📌 荃灣青山公路荃灣段398號愉景新城1樓1016-1018號舖
付款方式
Visa Master AlipayHK 支付寶 現金 Apple Pay Google Pay
張貼
