影片
更多
2015-05-25
1037 瀏覽
難得區內又有新啡店，一定要試。前菜要咗虎蝦凱撒沙律。之前餐牌寫手造意粉，今日冇… 但我唔鍾意三文魚又唔想食安格斯牛，都係食佢個carbonara。沙律醬撈得幾均勻，麵包粒帶濃牛油香味，煙肉有啲燶但幾脆。Carbonara並非正宗只用雞蛋黃芝士黑椒做醬底，仲加咗忌廉洋蔥香草，但味道合格有餘，醬汁濃稠掛於每條麵條上，麵條又夠彈身，欲罷不能。餐飲有black coffee或Pukka花茶，啡底用Yirgacheffe豆，加$20有奶啡。同啡師傾偈得知off menu有piccolo，我就要咗。Piccolo即迷你版caffe latte，咖啡同奶嘅比例係1:3，飲落順滑帶適度果酸味，Yirgacheffe豆嘅after taste有強烈嘅橙橘味😋同啡師傾開偈，佢有Spanish Bon Bon Espresso，用house blend豆，仍以Yirgacheffe做主混入Brazil。先飲面一啖，圓潤順滑帶花果香，然後拌勻底層嘅煉奶－口感變得更豐富厚滑，煉奶極甜但剛好平衡了酸度，口感極幼滑，非常特別。原本有Romano Espresso，啡師坦言未調好豆，我亦表示reserve for t
前菜要咗虎蝦凱撒沙律。之前餐牌寫手造意粉，今日冇… 但我唔鍾意三文魚又唔想食安格斯牛，都係食佢個carbonara。
沙律醬撈得幾均勻，麵包粒帶濃牛油香味，煙肉有啲燶但幾脆。
Carbonara並非正宗只用雞蛋黃芝士黑椒做醬底，仲加咗忌廉洋蔥香草，但味道合格有餘，醬汁濃稠掛於每條麵條上，麵條又夠彈身，欲罷不能。
餐飲有black coffee或Pukka花茶，啡底用Yirgacheffe豆，加$20有奶啡。同啡師傾偈得知off menu有piccolo，我就要咗。
Piccolo即迷你版caffe latte，咖啡同奶嘅比例係1:3，飲落順滑帶適度果酸味，Yirgacheffe豆嘅after taste有強烈嘅橙橘味😋
同啡師傾開偈，佢有Spanish Bon Bon Espresso，用house blend豆，仍以Yirgacheffe做主混入Brazil。先飲面一啖，圓潤順滑帶花果香，然後拌勻底層嘅煉奶－口感變得更豐富厚滑，煉奶極甜但剛好平衡了酸度，口感極幼滑，非常特別。
原本有Romano Espresso，啡師坦言未調好豆，我亦表示reserve for the best，留待下一次。
店方遲啲有唔同啡類同hand drip仲有啡班，密切留意中～
張貼
