Wildfire Pizzabar (星光大道)

營業中

休息中

星期五晚7點幾左右入座，如果要坐室外，可以先入去裏面坐底等，大約等左10分鐘已經可以出去坐。因為餐廳對住維景，坐外面當然更加分。因朋友生日既關係，首先開左支house wine (wildfire cabernet sauvigon)，$248一支，價錢都算合理。首先，我地都叫左水牛城雞翼，我心目中既必點小食，雞翼配上芹菜，同埋一個鹹芝士醬同辣醬。試食後，個人認為個鹹芝士醬好有驚喜，建議愛芝士人士可以一試。之後，都分別叫左個芝士狂人pizza (4 cheese pizza)同煙燻火腿餡角薄餅。芝士狂人pizza不過不失，加入了rose mary提味，令pizza有別於一般既4 cheese pizza，但個煙燻火腿餡角薄餅就好推介。餡角薄餅中間有啲類似白汁芝士啲醬汁，而且外皮係酥皮，兩者相輔相成。但提一提餡角薄餅大約都要等20分鐘左右，大家要比啲耐性等。