影片
更多
2011-01-18
199 瀏覽
最近，媽咪入屯門醫院做手術，我同姨姨一齊去探佢。竟然，我哋未到，媽咪打俾我，話我知已經醒咗，真驚喜！探完佢，已經 8:30，我又唔熟兆康苑，經過望到有間大排檔。記得 10 前，我同一家人都幫襯過，姨姨亦無所謂。呢度門面一般，大排檔 Look 。有室內及室外，所以不時嗅到煙味！不太好受！我哋兩個人，叫咗兩餸一湯。清炒豆苗 $42炒得有鑊氣，豆苗保持翠綠有口感，不算油，清清地；都幾大碟，可能有一斤菜份量。西檸蒸烏頭 $45 呢碟係姨姨揀，平時食慣豉油蒸烏頭，我覺得西檸蒸烏頭幾特別！有新鮮感！烏頭蒸得夠腍，但係唔係咁滑！西檸唔係新鮮檸檬，用上檸檬乾，加上蔥絲，夠香；味道出乎地好味！例湯 ：西洋菜湯 $18 ( 一窩 )西洋菜及豬肉一齊煲，湯份量好多，平均每人有 3 ~ 4 細碗 (不是飯碗)，好似加咗些少味精，咸得嚟寧舍好味！白飯 $7/碗滿滿一碗，夠軟熟，有飯味！估唔到食物有水準！
探完佢，已經 8:30，我又唔熟兆康苑，經過望到有間大排檔。記得 10 前，我同一家人都幫襯過，姨姨亦無所謂。
呢度門面一般，大排檔 Look 。有室內及室外，所以不時嗅到煙味！不太好受！
我哋兩個人，叫咗兩餸一湯。
清炒豆苗 $42
炒得有鑊氣，豆苗保持翠綠有口感，不算油，清清地；都幾大碟，可能有一斤菜份量。
西檸蒸烏頭 $45
呢碟係姨姨揀，平時食慣豉油蒸烏頭，我覺得西檸蒸烏頭幾特別！有新鮮感！烏頭蒸得夠腍，但係唔係咁滑！西檸唔係新鮮檸檬，用上檸檬乾，加上蔥絲，夠香；味道出乎地好味！
例湯 ：西洋菜湯 $18 ( 一窩 )
西洋菜及豬肉一齊煲，湯份量好多，平均每人有 3 ~ 4 細碗 (不是飯碗)，好似加咗些少味精，咸得嚟寧舍好味！
白飯 $7/碗
滿滿一碗，夠軟熟，有飯味！
估唔到食物有水準！
張貼