瀛喜日本料理 (已結業)

元朗南生圍真的好美, 一大班人玩了成日, 晚上都餓了交還單車後當然要去醫肚才回家。做完運動特別餓, 鐘意食魚生任點很開心, 二百元一個人真抵。一上台就魚生啦, 滿滿一盤有齊曬, 上得快食得快, 味道唔錯以呢個價位合理。甜蝦， 三文魚，吞拿魚，北寄貝，貝柱，希靈魚，海膽，鮑魚。有成十幾款不係講笑，而個海膽同鮑魚明明點菜紙上無架，仲以為比錯，問侍應先知係預早訂位就會送，賺到了。順便食熟野暖下胃, 叫了些熱炒， 泡菜炒雞柳，辣辣地而雞柳都幾多，其實有碗白飯會幾好送飯。蟹皇翅是素翅不用殺生，彈牙又粗身，加左好多菇， 要形容就似係素碗仔翅，個質地口感同湯架味都極似。椒鹽雞軟骨大大粒, 勁有嚼勁好爽架，炸完灑弓d 調味粉在面，唔覺就夾完又夾曬。辛辣魷魚鬚好彈牙架，辣辣地唔過火免治雞肉棒好粗呀，可能是自家製架，同出面食到都係混入了雞較骨混，食落口感更過癮，而且咁粗就更滿足。一品料理， 想牛油帆立貝會那麼大粒，加了翠玉瓜爽口。尾聲叫甜品，有雀巢雪糕杯同雪米滋，臨尾仲放左杯牛奶奶凍，原來開業兩年特別送的小心意。